扒王之王 (已結業)

今日同女朋友谂住食下扒,咁就试下食下扒王之王啦,佢就食过,我就第一次食,点知就发生以下之不幸事件:首先一开始入门口,个经理0系铺头最入行出黎比D唔太清楚0既指示,咁跟住我地一路叫野食同埋上餐0个两个女侍应都无问题....直到我女朋友叫个男侍应话餐饮系两杯冻柑桔蜜,佢自己都覆左两杯柑桔蜜,跟住问有无其他野需要,之后我地都话无。之后佢只上左一杯柑桔蜜,我地就话我地系要两杯,佢就去问经理,跟住佢就返黎话有一个餐无包,要加七蚊,我地就同佢讲根本就无理加唔加钱,加上我地0系餐牌都见到话要加七蚊,而系order两杯只上一杯0既问题。佢竟然话我地无讲清楚,我地咪话唔清楚就问清楚,跟住佢当住成间餐厅0既客话而家咪问左啰,个经理听到先走埋黎问,仲要个经理个样都唔奈烦咁...之后理论一番之后都系无作用,所以都懒得同个经理讲,最好笑系个男侍应叫佢个厨房朋友出黎楼面"bear"住我地两个啰...好似想点人相咁啰...所以本人一定一定以后都唔会食扒王之王啰.... 各位要食0既就睇妳好唔好彩喇...