PHO 24 (已結業)

到达时晚饭时间，但唔使等位，心中都觉得奇怪，8点钟食饭时间竟然唔使等位，入到去坐低就知甚么事。我同女朋友两位，入到去很多吉位，但侍应安排了路口位，我们要求可唔可以调到旁边的二人台，个侍应极冇礼貌地一口拒绝说：「唔得，有人订左」，我好想问佢个客系唔系指定book个张台，女朋友话算数，咁就坐低睇menu。拣左个生牛肉河、杂锦牛肉河、春卷、烧羊鞍，落单时另一个侍应亦都好掘地说：「羊鞍等半个钟㖞。」 佢嘅语气我觉得自己去左茶餐厅，等半个钟咁我地唔要羊鞍。到食物来到后，食一啖发觉味道啖不在话下，牛肉真系可以冇牛味，好似咬紧毛巾咁，汤底得颜色，冇味道。鸡丝汤河同样啖口，再加白雪雪，个汤清到好似清水加鸡粉煮成咁，仲死过大家乐D下午茶即食面。春卷脆，但成口油，春卷皮厚过猪肉馅。一句讲晒，呢间野俾你「越栈」嘅食物质素，但收你海港城「芽庄」既价钱，差差差一定冇下次。