麻布茶房 (已結業)

正如之前有其他食家投诉呢间餐厅既服务态度，我对佢既印象一直麻麻，唯一令我再来既原因系食物质素。寻日约左同事同个客食晚饭，我一谂就拣左呢间。入座时已事先提我地限时个半钟，都担心唔够时间倾野。我地三个人食点左︰芝麻酱鲜虾冷面麻布什锦烧乌龙面茶房风咖哩牛柳蛋包饭热拿铁咖啡Total: $257 (连加一)抵食既，头两样都系我每次必点，值得推介。尤其芝麻酱鲜虾冷面，我通常都会要求另外要一兜麻医，因为会好食好多。上次来食，我总共叫左三次先有人拎过来，火都来埋。今次好好多喇，个男侍应好快就拎俾我，令我好满意。而呢度D女侍应一向都态度唔好，口黑面黑，好唔想招呼你咁既态度，有时我仲好礼貌过佢地。今次我遇到果一两个都唔错，有礼貌，会讲多谢。到差唔多个半钟，有人走埋来remind同问仲有无其他野要。隔左阵有人问我地介唔介意掉台，因为佢地想分开我地坐紧果两张台，咁我都叫埋单走人，之后再去楼下Starbucks继续倾。总括来讲，今次我都食得几满意，保持到食物质素，下次都会再来。