十八夢

我哋当日系食二人餐 $20xx两位食物份量足够 质素食材都唔错唯独是main course牛侧腹肉冇咩牛味连调味都欠奉 最后叫职员比盐我哋自己加呢样嘢都几令人失望 全晚最期待就系个牛另外服务水平不太高 略欠专业甚至听到接待处嘅女仔拎住电话Whatsapp 录音讲粗口 同环境唔太配合 因为呢位职员喺我面前经过 而我面前就系live show 我入场嘅时候成间餐厅得我哋两位 打算问可唔可以坐隔离枱 但结果佢地话果张枱有人reserve咗 但我眼见全场系空的 即使呢张枱有人留咗 我哋都应该可以调去另一张枱？其实我早早喺一个月前已经喺电话request坐中间位 而我亦都系一早上网预订优惠卷同埋book枱 所以都几失望然后知道有live show 亦可以点歌 我打算点陈奕迅热门大路啲嘅歌 结果女歌手话唔唱呢首 我本以为因为男声太低音唱唔到 但接著落嚟就系唱男声更偏门嘅歌 所以再次失望总括嚟讲 成个用餐体验都唔太满意 唯一欣赏嘅系前菜嘅刺身 同串烧 但价钱同服务实在唔成比例 主菜亦唔好味。