榮發茶餐廳

营业中

休息中

是日星期6朝早，同嗲哋妈咪婆婆特别啲唔去饮茶，去食茶餐厅！行到黎呢度，见到坐满人，都心知不妙了。餐厅有位男士指左我地分散坐系唔同枱，十分奇怪。当我正谂住算数，去返饮茶既时候，听到原来会系拜托紧其他食客，帮帮手调一调位，腾空左一张枱比我地。佢呢个动作真系好窝心，依家仲边有人肯咁帮人，就算平时搭飞机，啲空姐都唔一定会主动帮你问人调位。呢间细细既茶餐厅，收系20，30蚊一份早餐，仲比到呢种受尊重同屋企既感觉你！好抵赞！我叫左早餐A，火腿通粉，炒双蛋同牛油方包，饮冻柠茶。先讲下个通粉，通粉质地麻麻地，有点硬，胜在够热，火腿丝都唔少。炒蛋做得够滑，但略嫌有啲细份。我杯冻柠茶，黎既时候有条公仔面，我叫佢埋黎，话想换过杯，讲都未讲点解，佢亦都冇问，就大叫水吧整过杯出黎比我！佢呢份心，补返晒呢度所有既不足。佢呢份心，令到我地食呢一餐加晒分！非常抵赞！