采悅軒 YUE

营业中

休息中

由于入住东涌喜来登酒店，已经想在采悦轩晚膳，见到在OpenRice订座有低至五折优惠，马上登记。订座后一天左右，餐厅已经打电话来确认。我哋要求参考菜单，佢哋都很快咁用电邮回覆，效率好高。当天准时入座，餐厅环境幽雅，我哋二人被安排坐在马蹄形沙发， 十分舒适。因为唔系好肚饿，所以只系叫咗以下招牌食品：灯影藕片 $98牛肝菌素鹅 $98太子鸭 $288至尊炸酿蟹盖 $218姜味绣球 $88食物味道质素唔错，但最令我欣赏系经理Jason Lui嘅服务态度。佢在我哋等上菜期间，主动询问意见，仲好详细讲解餐厅总㕑嘅班底，大都好有来头，佢自己亦系来自龙景轩，十分健谈。最后我哋点咗著名嘅姜味绣球作甜品，佢亦解释师父在豆腐上横切直切各60刀，加上姜味糖水就散发开为绣球状嘅豆腐花，十分考刀功。另外佢亦送上一碟蛋散俾我哋试吓。老实讲，姜味豆腐花主要系欣赏师父刀功，以作打卡之用，反而蛋散好松脆，又唔太甜，比其他酒家出色，值得一赞。除咗经理Jason之外，服务员Vicky亦有良好待客态度，加上现时餐厅有特别优惠，十分抵食，所以整体用餐体验良好，我推荐大家记得在OpenRice订座。