影片
更多
2022-08-26
9452 浏览
半岛酒店嘅夜晚buffet收费系$928/位，佢冇分时限，由6:00开始入座可以食到10点，基本上世界各地嘅所有美食都集于一身，佢位于一楼嘅露台餐厅，窗外景色可以望到维港景色，装修非常典雅，佢哋用咗波希米亚手制嘅水晶吊灯，低调得嚟又够奢华，而餐厅都有独立嘅房间，而众所周知佢哋嘅服务系buffet界数一数二，今日就等我嚟介绍吓The Verandah既必食推介😋😋😋(太多美食不能尽录敬请原谅)🥗沙律冷盘方面，佢哋有各式各样唔同国家款式沙律，玉子豆腐配蟹肉沙律，红菜头鹰嘴豆，羽衣甘蓝沙律菜等，我比较钟意佢嘅鹰嘴豆同埋羽衣甘蓝，唔系到到嘅buffet都有咁偏门嘅食材，但佢哋无论酱料方面又或者沙律菜都非常多选择，鹰嘴豆本身平平无奇，但佢有丰富嘅营养价值，经过酱料嘅配搭原来味道都唔错，至于羽衣甘非常嫩，绝对唔会好似出边𠮶啲食到有渣👍🏻👍🏻值得推介🦞另外备受瞩目嘅就系海鲜冷盘，佢哋包括有龙虾尾，蟹脚，东风螺，青口，带子，大虾等，所有嘅海鲜都系非常新鲜，绝对唔洗惊冇，佢哋系会无限refill，只要冷盘上面清空，佢哋会即刻系冰柜拎出添加，包保新鲜，我比较钟意食嘅系佢嘅龙虾味，佢哋会开边，每一只都非常爽
🥗沙律冷盘方面，佢哋有各式各样唔同国家款式沙律，玉子豆腐配蟹肉沙律，红菜头鹰嘴豆，羽衣甘蓝沙律菜等，我比较钟意佢嘅鹰嘴豆同埋羽衣甘蓝，唔系到到嘅buffet都有咁偏门嘅食材，但佢哋无论酱料方面又或者沙律菜都非常多选择，鹰嘴豆本身平平无奇，但佢有丰富嘅营养价值，经过酱料嘅配搭原来味道都唔错，至于羽衣甘非常嫩，绝对唔会好似出边𠮶啲食到有渣👍🏻👍🏻值得推介
🦞另外备受瞩目嘅就系海鲜冷盘，
佢哋包括有龙虾尾，蟹脚，东风螺，青口，带子，大虾等，所有嘅海鲜都系非常新鲜，绝对唔洗惊冇，佢哋系会无限refill，只要冷盘上面清空，佢哋会即刻系冰柜拎出添加，包保新鲜，我比较钟意食嘅系佢嘅龙虾味，佢哋会开边，每一只都非常爽口弹牙，差唔多有一只手版嘅大细， 必食推介😍😍
❤️🔥另外一款主打菜式系矶煮鲍鱼，呢款呢款系每一位都会推介嘅海鲜，佢系冷盘嚟，经过炆煮后原只呈上，亦都会帮你将每一只起盖，非常细心，佢嘅口感好有咬口，亦都好鲜，味道唔算好浓郁，始终佢系海鲜轻轻调一调味就已经好好食🤤🤤
🐖另外想介绍一下嘅系佢个西班牙白毛猪火腿配蜜瓜，成只火腿拎出续片切俾你，非常之新鲜，味道非常浓郁，风干后嘅鲜味仍然保存，蜜瓜又够甜，一齐食真系一流，自己自制既prams Ham冇得输😆😆
🍣到日本刺身方面佢哋有三文鱼，吞拿鱼，油甘鱼，甜虾，带子，马刀贝等，刺身方面所有都系新鲜切制，寿司都有非常多嘅选择，每一件都系比较的骰，方便你可以试唔同既款式😆😆
🍲热盘方面佢哋有泰式蒸扇贝同各种嘅肉类，扇贝每一只都铺上粉丝同调味，食落有啲juicy，遗留喺扇贝上面嘅汁非常有鲜味👍🏻，另外肉类方面有美国肉眼，烧羊腿，另外佢哋配左约克郡布甸，无论系牛定系羊，佢哋都系新鲜切出嚟，另外有唔同嘅酱汁俾你拣，两款嘅肉质非常鲜嫩，好重肉味，口感唔错😋，另外比较特别嘅就系佢个约克群布甸包，其实都唔系好清楚系来自边个国家，但佢嘅质感几特别，唔系好似布甸又唔系好似包类，但系佢有一种葡挞软咗嘅皮咁，包本身系冇乜味，但如果佢配埋肉类食，味道又几新奇😌
🍇，🍨食到咁上下开始试甜品同水果，佢嘅水果有西瓜，哈密瓜，提子同埋蓝莓，比我想像中款式有啲少，不过蓝莓系buffet都系比较少有，所以都可以接受，另外甜品方面佢哋有各式各样既甜品，蛋糕类，泡芙，朱古力，面包布甸同雪糕等，必食嘅系佢哋半岛手工朱古力，同埋都系自家制嘅雪糕，佢嘅朱古力呈半圆形，睇落去平平无奇，但食落非常重嘅可可味，又唔会好甜，反而有一种清香嘅感觉，而佢既自家制雪糕我就拣咗比较特别嘅百香果味，佢嘅雪糕非常滑，味道亦都十分香浓，真系固唔错😍😍
最后要提一提嘅就系佢哋嘅服务态度，听人讲得多，自己亲身感受嘅系第一次，佢哋嘅服务态度真系冇得输，非常有礼貌地帮你换碟，加水，最特别嘅就系佢会系你食紧冷盘嘅时候准备湿纸巾俾你😍，当出去拎嘢食嘅时候，因为要拎一碗好热嘅粉，厨师非常窝心，会帮你拎埋去你自己嘅位度，而佢哋亦会非常乐意地帮你影相，我地就咁过左个非常愉快嘅晚上❤️❤️
张贴
