TC Bistro (已結業)

好耐冇见嘅朋友约食饭，佢喺新蒲岗做嘢，佢提议去呢间TC Bistro, 仲话一定要试呢度嘅威灵顿牛柳，要预早一日订先至有得食架，所以朋友book位嘅时候已经订左一客。我哋book左7点，早到左15分钟，可能因为时间尚早，只有一两枱客人，服务员很细心，可能佢见到我着好多衫，又攞住纸巾抹鼻涕，知道我唔系好舒服，就问我需唔需要换一杯热水，非常窝心。除咗威灵顿牛柳，我哋仲叫咗牛油果带子沙律，龙虾汤，带子天使面，焦糖炖蛋。朋友推介嘅威灵顿牛柳真系冇得顶，好好味，牛柳好淋又有牛肉味，又唔会太生，强烈推介。牛油果带子沙律好清新好新鲜，龙虾汤浓度啱啱好，饮完唔会好口干，证明唔系味精煮成嘅汤。带子天使面有一阵阵椰子油嘅香味，唔知系咪落咗椰子油呢？呢种香味我好钟意呀！最后呈上嘅焦糖炖蛋，细心嘅服务员提醒我哋小心个边会好热，焦糖炖蛋好滑，甜度适中，为呢一餐晚餐画上左完美嘅句号。