大三圓 (已結業)

本人于年初三（即2月18日）跟公司同事一行17人 喺呢间酒楼食开年饭。拣呢间酒楼唔系因为啲嘢好食，只系因为佢话会畀房我哋，同埋喺公司附近。 点知就食到一肚气。我哋喺2月14号预订枱嘅。因为我哋多人所以订枱时已清楚要求要有房。 而当时佢哋亦喺张订金收据上面写咗话会比房嘅。 仲带去订枱嘅同事睇到 时会间房个位。点知当晚我哋去到嘅时候，变咗系坐大厅。 我哋当然嘈佢啦，佢又话我哋冇讲。 跟住我就拎张订金收据出嚟，咁佢就冇得出声啦。但系因为 当时所有房已比其他台嘅客人用咗，最后我哋就焗住要喺大厅食。呢啲咪叫做货不对板啰。做生意唔系咁做嘅。啲嘢食系点，都唔好嘥气讲啦。去过食嘅人都知， 唔可以叫好食啰 。以后唔使钱我都唔会去食啰！