嘰哩咕嚕 (已結業)

西贡市中心嘅巷仔系出名嘅食街，不过又多人又唔好坐，所以以前就算喺西贡做嘢都好少帮衬入面嘅舖头。早两个礼拜入盐田梓前喺度行咗一转，经过间新开嘅叫叽哩咕噜，见个名咁得意，望咗一阵，老板叫我坐低食嘢，我赶船，应承佢回程时再过嚟。大丈夫一诺千金😌，于是上岸后即刻过嚟，试咗个麻酱手撕鸡冷面，加八蚊配支久违嘅波子汽水。食呢类冷面最紧要系个酱，除咗要好味之外，份量亦要够多。呢方面呢碗就合格有余，酱汁麻酱味香浓，酸酸味味好开胃，每条面都挂满酱汁，再配埋鸡丝，青瓜丝，黑白芝麻，炸蒜粒，味道口感都丰富。值得一提，老板好 nice 又健谈，边食边倾，好开心🤗。帮衬黄小店，为嘅就系呢种人情味同安心感觉。安心感觉，系要用心去体会，唔系用个 QR Code 去嘟嘅😆。