Urban City Diner (已結業)

被一位好有passion嘅男侍应所感动，不得不写这篇食评表扬一下😊用OpenRice book 了晚餐，留言想坐指定一张枱，赶不到巴士惊迟到，于是打电话去叫餐厅留枱，接听的工作人员很友善地说没问题，放心了。到达后，我发现佢认真地hold 起咗我OpenRice 指定果张枱！😀就算有客唔小心坐左都会有礼貌咁扞卫住我张枱👍🏻我哋研究餐牌时，有位口音「鬼鬼地」嘅侍应走嚟推介二人餐话好抵，最后，我哋冇点到二人餐。我哋落咗单一阵，佢又再走嚟，话佢帮我哋计过数真系二人餐著数好多，最后我哋都系维持原判😆 但系好appreciate 呢个侍应咁有心为客人著想🥰开餐冇耐，佢走黎问我哋觉得食物如何，我哋话全部都几好味，唯一系有一碟主菜嘅薯条似系番炸，另一碟就好新鲜，我强调我哋唔介意反正会食唔晒。点知过咗一阵，佢拎左一碗新鲜炸嘅薯条过嚟😱 我哋真系唔系几好意思，因为本身唔系想佢补番d薯条俾我哋。最后我哋唔好意思之下，唯有冒著增脂嘅危险食晒佢！😆😆无论食物及服务都好满意，环境又舒服，d枱唔会set 到密麻麻，特别系招呼我哋个侍应，feel 到佢对工作同客人都有passion，细心友善，值得一赞👍🏻👍🏻👍🏻