Little Tipsy Restaurant & Bar (已結業)

观塘之友应该明白要系工厦同商场之中揾到称得上好食既餐厅系有几难，已经将几十页由头扫到落尾再扫返上头，终于俾我揾到间疑似新开又唔错既西餐，可以同朋友黎试下。焗北海道带子配蟹肉 ($108)新鲜焗起传来阵阵香气，忌廉菠菜覆盖既卖相未算吸引，亦感觉唔到蟹肉，但食左几啖软滑配菜之后就显露出香煎至金黄既带子，开始闻到海产鲜味。 一切开完全系喜出望外，刺身级大大粒带子内里仲系半透明，熟度岩岩好，够哂嫩滑鲜甜，十分满意。西班牙烤鸡配烤薯仔 ($188) (半只)半只烤鸡比想像中大份，亦已经分成鸡脾同鸡胸两件方便食。 烤鸡表面铺满左西班牙香草酱料，鸡肉唔算好入味，对我黎讲有点清淡。 意想不到烤薯仔居然系重点，连皮焗完仲系好水润幼滑，薯仔甜香正到唔洗点酱都食唔停。海胆意大利饭伴忌廉芝士 ($208)意大利饭如想像般香浓creamy、够烟韧，忌廉芝士味就唔太觉，个人认为似龙虾汤味多d，当中有翠肉瓜同蕃茄粒，带一丝清新。 海胆尚算鲜甜，系有轻微腥味，不过都收货啦。水牛城鸡翼 ($78)鸡皮焗至微脆，入口闻到浓烈既tabasco味，整体味道对办，肉质再滑少少就完美喇。餐厅尚算宽敞，虽然位置唔太高调都全场满座。