德膳壽司 (已結業)

成日经过依间餐厅，见佢做放题谂住无好嘢啦，所以一直无帮衬过。今日突然好想食饭，睇见不错嘅食评，反正lunch time 周围咁多人，依间唔洗等位一试无妨。因为身体状况，好多嘢要戒口，见menu 热食都有几个选择，点咗自己煑极都煑得唔好食嘅银雪鱼西京烧定食。先上嘅系蒸蛋，又香又滑好暖胃。另外叫了我好想试试嘅烧玉子，甜甜哋好味道主菜上啦！可能我太晏嚟，个炒菜唔太热，不过个银雪鱼好啱味，唔会太咸或太甜，连皮都食埋。四眼哥哥系一位好贴心嘅服务员，佢见我沙律唔食得又唔饮得茶，上甜品嘅时候都问下我食唔食得先比我，既唔怕浪费又窝心，其实依篇食评我系因为佢而的起心肝写。下次我会试埋个放题㗎啦！