明明車仔麵專門店 (軒尼詩道) (已搬遷) 新店位置

本身好钟意食车仔面，见到新开，门面装修几有特色，$35三𩠌面、$40四𩠌面，价钱合理，就入去试下。面同𩠌既种类算多，仲有四种不同酱汁加配。我同朋友都系叫三𩠌面，我拣左猪红、猪肠、墨鱼卷米线(沙爹汁)，朋友就叫左猪红、五香牛腩、瑞士鸡翼油面(腩汁)。上面既速度算快，𩠌既份量算正常，但面既份量太少，一个正常男士应该唔够饱。我同朋友坐响一张由两张二人枱泊埋既枱，我地坐左一边，另一张枱无人。岩岩影完张相，放低电话，一个waiter忽然拉开另一边枱，另一个waiter就同一时间拎起我朋友碗面！结果，我放响枱面部电话跌左落地！原来门口有一班人，佢想泊枱比佢地，又想我地调枱。其实调枱我真系无所谓，我都系食个晏啫，唔系想阻你做生意，但系点解你唔可以先问一声、通知我一声先呢？个电话比人整跌左，魂都未定，两碗面已经比人搬左去隔离枱了。至于食物既味道，个墨鱼卷都几好味，其他就好一般，猪红算滑但唔够味，猪肠亦不够入味。失望。