SeaFront (已結業)

间餐厅野食算系好平，呢个应该系佢都几多人帮衬O既原因，但系如果你系唔系鬼佬，又或者同人庆祝，咁我建议大家去其他餐厅会好D。我叫左个SET DINNER, 杯餐茶10分钟到，个餐汤20钟先到。到第30 分钟，个MAIN都未黎。揾个待应黎叫佢跟下D野食，佢话:"我地系咁个啰㖞，顺次序出野食，你等下啦!" 咁样就无理我地行开左。咁我谂可能都系一个半个waitress 系咁o者。揾个男o既睇下又点，点知个男o既仲搞笑，话: "我地个main系等你地个汤出左先左入单做，系会耐d嫁啦。" 劲奇怪，第一次听到餐厅咁做, 无论如何佢都系洒我地嫁啦。无计，鬼叫女朋友生日，无同佢嘈，唯有继续等。之后相继见到迟过我地入坐o既客人都有野食，我地都未有。到第45分钟，d野食先至黎哂。pizza唔算系美味, 一般水准而已。有d后悔无过隔离间pizzaexpress。至于阔条面，水汪汪又唔够面，唔ok。之前见到有d post 话间野服务态度麻麻，黎睇未有改善。