養心麵 (已結業)

自问中意食台湾野菜既我，行过见到呢间铺头有台湾直送野菜就入去试。入到去问店员点落单，佢就叫我地系纸仔度剔想食既野，佢再帮我地系点餐机度落单，同埋要比完钱先整你个餐。我地拣左个有台湾野菜既套餐，比完钱之后，我朋友个面好快上左，但入面就冇野菜（当时menu清楚咁写有水莲），而我个面就等左20分钟都唔黎，于是我地就想问个侍应啦，点知在场有三个侍应，有两个系收银机前好似搞紧部机，另一个就行左去近门口饮野同咁电话。好唔容易叫左侍应埋黎，佢先同我地讲水莲卖晒，但我地由入黎到上菜一刻都冇讲过冇晒，难为我系为左d野菜而入黎！至于食物质素，美人汤系几甜，鸭血亦入味而不稣，但未至于要呢个价钱...如果系抱住对养心殿期望入黎呢间铺，睇怕你要失望了。