School Food (已結業)

今日大约两点同朋友行太古城，见schoolfood唔洗等位就入去食晏啦。我地食过好多次，但第一次黎呢间分店。我见lunch set几抵，叫左厨师卡邦尼年糕+小食泡菜冻豆腐+果茶+甜品。由于朋友已食厌卡邦尼年糕，所以谂住试下新野黑松露年糕，点知waiter话卖晒，最后叫左另一个牛肉炒乌冬set+小食煎饺。首先黎左小食同炒乌冬，小食味道还好，炒乌冬略为普通。再过十五分钟，眼见朋友就黎食完碟乌冬，但我嘅年糕同两杯果茶都未到，催左次再等多阵先黎到。当时餐厅唔算多人，煮年糕可能需时，但起码可以先上果茶吧。卡邦尼年糕味道保持一贯水准，但有啲腻，好快食济。重点系个甜品荔枝啫喱，卖相差，溶溶烂烂，侧边摆左粒青柠，状甚求其，食落太甜太烂(抱歉冇图，原本冇谂住写食评，但对今餐饭有小失望所以喺度发表下)。最后埋单，个waitress好似转个头又唔记得，搞其他野搞左好耐都唔收钱，要再叫另一waiter埋单。总结食物质素还好，但对甜品非常失望，亦试唔到新菜式；服务效率比起我经常去的铜锣湾/ 又一城低。