泰作

营业中

休息中

呢间餐厅服务质素及态度十分差。今日收工，约下午2:30，去到青衣城唔知食乜好，就随便入咗呢间Twinkle Elephant 食泰国嘢。虽然我一个人食，但服务员安排我搭枱，明明餐厅重有位，都要安排我搭枱，到我想走唔想食，先肯安排一张双人枱比我一个人坐。然后，我叫左香茅猪扒河粉，块猪扒又细块又薄，重要好干，无香茅味，总之就唔好食，不过啲野食唔好食都算啦！埋单个时，个果女职员一边埋我张单，一边拧转个头去招呼另一个正在落order既客人，之后重要成个人走开咗，走咗去另一枱客人个到处理佢落order事情，心谂：我帮衬左你，你都咁无礼貌对我，啲服务质素同态度超差，之后重要收多咗我钱，同个女服务员讲收多左钱，佢一开始重要唔承认，话张单唔系我，之后check清楚喇，虽然有退番钱比我，但一句道歉都冇，完全唔觉得自己有问题咁。呢间Twinkle Elephant 餐厅食物价钱贵，但又唔好食，服务质素又咁差，总之系一次十分之差既体验。