魚米 (翠屏(北)商場)

营业中

休息中

晏昼唔想煮，就去咗呢间鱼米买外卖，一入到去见到间餐厅冇乜人，有啲担心会唔会系食物质素好差，我企左系到好耐，店员都冇主动行过黎问我有咩事，要我叫到话要买外卖，佢哋先慢慢行过嚟，一开始已经觉得店员好冇礼貌。买外卖要等15分钟，虽然呢个时间系可接受，但系明明间餐厅无人，迟黎过我嘅都已经有嘢食，都唔明点解我𠮶份会咁耐。讲返食物，虽然鱼汤都算浓，乌冬好粗，墨鱼饼都算好食，香茅鸡翼又炸得几脆，但成份外卖都偏浓味，而且又唔包野饮，食几啖已经觉得好口渴，鸡翼都算炸得好食，而且有分开汤上，不过差唔多$60有三个𩠌嘅乌冬我觉得都尚可接受，质素普普通通，但我觉得店员嘅态度要改下，如果唔系食物质素有几好都唔会吸引到我嚟帮衬。