616牛肉火鍋專門店 (已結業)

见六月中616 做6折优惠，我早两个星期已经打电话去book16/6 晚食。我一直都有帮衬开616 火锅，铜锣湾分店亦去过好几次，但系今次服务质素之差令人失望。以前从来冇写食评，但今次实在不得不写。book 咗8点两位，我准时8点已经去攞位，当时都冇咩人等位，后来越来越多人嚟。其中安排入座嘅女职员先叫我同其他食客用ipad落单。一直等到8:20都未有得食，𠮶女职员由厨房攞番各人张单话已经落咗，但系我又未有，原来佢落漏咗我张。而哩个女职员系按落单次序而唔喺攞位次序入座，明明迟过我到嘅二人枱竟然可以入先。三催四请下啲人先再帮我落番单，但都仲落漏。足足等咗45分钟，我再三投诉吓先有得入座。究竟哩间餐厅做嘢有冇规矩？book咗位嘅人客都要等45分钟？谂住用promotion吸客但又做唔嚟？今次叫嘅牛肉同海鲜拼盘喺唔错，但系啲职员又冇清洁好张枱搞到仲系好油好痴立立。去过咁多次铜锣湾616，以前都觉得啲叼钻牛肉部位几得意，又坐得舒服。但今次服务质素之差，非常令人失望。香港仲有好多其他牛肉火锅店，616咁几服务态度，我以后唔会再帮衬。