麻布茶房 (已結業)

次次去亲将军澳都会食荳子，但系无耐次次都劲多人排队，今次行过某层发现左一个食物既神秘地带（对我黎讲），于是上去一探究竟。最后比男朋友比有得呢间日式风格既麻布茶房所吸引，再加上睇餐牌价钱同食物外观也不错，就决定试下喇！拎左飞等左around十几分钟就有得入座，都算快！食物1.海虾兰花沙拉 原来嗌一个饭就可以以28蚊既价钱点多一样小食，但系系有指定某几款的。大头虾既我冇注意到系沙律，仲以为系热食，就叫左呢个有西兰花既菜～～～上到黎都几好食，但沙律黎讲真系太冻，估计系整好放系雪柜的吧⋯海虾食落唔系咁新鲜，不过廿八蚊算系咁，份量都几多。2.照烧鸡肉饭 整个餐就系好日式料理既感觉，有饭、有小菜、有汤。照烧鸡真系几好食，鸡肉食落有小小酒味，连埋照烧汁食就更加正。由于佢个汁只系淋系鸡肉面，而且饭食落有小小干，建议捞一捞先食。3.照烧猪肉饭同上面既饭差唔多，食落都OK，不过我只系食左一啖就唔评价喇～服务一般般，叫极人都劲迟先应机，同埋埋单果阵我地系look卡，但搞劲耐！！！劲不安🤣🤣