鍾菜館

营业中

休息中

今次系第二次嚟饮茶，唔知系咪年初八关系入坐前说明要个半钟交枱。知道要个半钟交枱入坐即刻点嘢食，今日叫咗啲点心，另外叫咗两样新年特别出嘅家肥屋润(干炒牛河)，同横财就手(猪手)。点心正常无事，碟干炒牛河就出出地干，唔热嘅，味道偏甜。猪手就系正常一旧分4旧。不过今次最不快经验就系凤爪漏单，钟菜馆本身系自助式，点餐加水冲茶不经人手，可能因为咁原因所以服务员好少对客人。漏单后终于要离枱去揾人问，回覆话厨房无单如果要嘅话依家落单要20分钟。我话我有落单系厨房唔见单唔系我问题，咁我坚持等，我交唔到枱俾你唔关我事，服务员就好唔高兴或者我误会佢表情。蒸一碟凤爪要20分钟，我计过时佢地真系20分钟多少少攞出嚟。