麗香園冰室 (大窩口商場) (已結業)

大窝口分店服务其差，晚上去帮衬嘅时候食物已经唔热，汤只系微温，都算，点知热奶茶上枱嘅时候，好明显系冲定放咗一段长嘅时间唔热嘅，称唔上系暖添，同侍应姐姐讲更换一杯热嘅俾我哋，经理叫侍应阿姐净系攞咗去微波炉叮热，仲话系我哋放得耐冻咗，我谂奶茶都系贵公司主打嘅食物之一，品质唔会控制咁差挂净系叮热俾客人？而且经理仲同我哋理论饮品系送嘅，请问贵公司嘅意思系指我哋冇俾钱食饭定系你哋所指嘅「送」系唔需要负责品质同质素？另外食物嘅数量都好参差，我哋叫嘅例牌砂礓鸡，肉份量仲少过一只鸡髀，俾晒啲下栏鸡皮我哋，同相片所展示嘅份量相差极远。今次嘅光顾对贵公司极度失望。