霸嗎拉麵 (已搬遷) 新店位置

先唔讲拉面正唔正宗，总之我就好钟意佢哋嘅鸡肉叉烧拉面，味道够浓。但生客去过应该唔会返转头，皆因员工完全唔掂。每次，系每次嚟到嘅安排都系乱七八糟。完全唔够伙记，收钱𠮶个完全唔知佢想点，样样做下，无样做得好，佢枱面笠笠乱，见到心都烦。佢唔识同客冷静沟通，一味忟同乱，非常赶客。又控制唔到出面人龙，好多人都费事排就走。下午茶情况仲离谱，等40分钟我都试过，听佢D解释只会越听越火；每次嚟亲都唔可能尽庆。简单嚟讲；服务不知所谓。