鮨玥 (已結業)

呢日过咗西湾河做嘢，放工就约个住附近嘅朋友聚下。佢带咗我去食「鮨玥」，餐厅门面同内在环境用上木嘅原素，令人感觉舒服😌！餐厅有做晚市套餐，鱼生丼饭同熟食等选择都有，价钱介乎百几蚊一份，算OK啦👌。原来餐厅有做厨师发办餐Omakase，两个餐目叫「鮨」同「玥」，即餐厅名，几有意思☺️。套餐价分别为$550同$880，仲可以食河豚添。本鲔寿司盛($255)，有六件寿司，包括本鲔赤身、中本鲔鱼腩同大本鲔鱼腩，每款各两件。鲔鱼即系呑拿鱼🐟，食用次序由赤身、中拖罗去到大拖罗。赤身一般，但无筋嘅，可能用酱油腌渍方法处理会好食啲。两款拖罗都好正，各有千秋。鱼腩位置油份真系劲好多，口感好绵，有少少入口即化嘅感觉😋。大拖罗嘅油脂分布劲靓，雪花纹般细腻。角切海鲜丼定食($148)，晚市套餐嘅定食好丰富，有沙律🥗、茶碗蒸同面豉汤，最后者几有诚意，因为加咗蚬，又够热。角切海鲜丼卖相吸引😍，角切海鲜包括甜虾、三文鱼、油甘鱼同蟹籽等。鱼生粒无碎湿湿，感觉唔会令人联想到系切剩嘅鱼边。我最欣赏系蟹籽份量够哂多，所以每啖饭嘅口感都好爽，有爆浆嘅效果。另外，🍚丼饭仲加咗紫菜同芝麻，以提升香气。盐烧牛舌($88)，🐮👅一客六片