大叔拉麵

营业中

休息中

餐厅位于D2 Place二期，由于我六点几过去，所以人不是太多，店员服务超好，如果第一次去，佢会好有耐性地讲解佢哋主打嘅汤底，亦会同你介绍Menu入面嘅食物。佢哋主打牛骨汤底，但因为唔食牛，所以最后点咗个比较较冷门的「黑豚肉辣樱花虾汤拉面」。配料好丰富，有黑豚肉，粟米芯，糖心蛋，昆布和紫菜，黑豚肉比较厚身但好腍，糖心蛋系用酱油腌过，甜甜地，超好味。汤底我觉得好似冇乜虾的甜味，汤的辣味系好似有层辣油喺面咁，我就觉得麻麻哋好食。我见隔篱位客人点了鸡白汤拉面，佢全碗连汤都食晒，我下次一定会试鸡白汤。特别想赞店员的服务真系好贴心，佢见我食食吓又再睇Menu，佢即刻主动过嚟问我系唔系想加食物，主动问我有冇嘢需要帮忙，睇得出佢好留意客人嘅要求。