Briketenia

营业中

休息中

今日去咗北角汇嘅一田超市用埋d 现金券，就顺便帮个朋友庆祝生日食埋晚饭先回家。俾我揾到一间米芝莲一星嘅西餐厅。餐厅环境简约带点华丽有落地玻璃望到对面九龙。可选室内或户外露台用餐。因今日天气实在太热，所以我哋出唔到去户外用餐，如果冬天嘅话一定会选择去餐厅露台食饭。我地2个人叫左2个dinner set, 包饮品。面包够热，无限任添前菜：烟三文鱼布里芝士火箭菜沙律烟三文鱼超新鲜，好大块。火箭菜非常新鲜食落好爽口，第一次食布里芝士，唔会过苏，有啲似水牛芝士嘅味道。前菜：法式牛肉他他（+$58）牛肉他他非常新鲜，唔会血淋淋。 他他已经吸咗特制嘅酱料食落味道非常惹味，size 适中，如果太大旧又怕好快会济，会食唔落其他主菜。主菜：香烤肉眼扒配薯蓉及小甘笋 $398肉眼扒脂肪比例均匀，唔会过多脂肪，好香牛肉味。煎到5成熟，切开有少少血汁渗出，外面煎到好香口有炭烧味，肉入面刚刚好软身。薯蓉混了黑松露非常高贵，更加好味。主菜：日式猪腩及猪鞍配薯蓉及蔬菜 $398平时好少叫猪扒，惊佢整到好韧好鞋。 估唔到呢间餐厅煮到猪腩及猪鞍刚刚好。 食落有点爽口而带少少淋身既感觉。再点埋个烧汁，无得叹。