Grill n More (已結業)

食物质素同汉阳X差唔多，热食麻麻地，可以烧嘅就多数系D街市冻肉舖都有得卖嘅港式烧烤腌肉。平时食正宗韩烧必备嘅生菜/辣酱/生蒜都全部欠奉，白饭就系用泰国米而唔系真珠米，总之就系所有嘢都好无韩国风味...但系呢D都唔系重点。我成餐最唔满意嘅系其中一个四眼亚姐嘅服务态度。我食到一半时，佢粒声唔出咁由我后面伸只手出黎收走咗我仲未食完果半碗饭。无几耐之后，就喺我斜后面队张单响我枱角叫我比钱。到咗最后，重要喺我食紧甜品嘅时候再次闪出黎，好大动作咁执枱兼阻住我食嘢。佢除咗出过声将张单嘅银码讲过比我听之外，全程不发一言，极之无礼貌。我一定唔会再帮衬呢间餐厅！