食客 - 韓食一番地 (已結業)

今日喺严冬中觅食，眼见周围食肆都无乜新鲜感，就谂住试下新装修完嘅韩食一番地 (天)。我哋一行二人喺餐厅出面睇到D野食相都几吸引，价钱偏贵但仍算合理，于是咪谂住入去。见到门口无服务员，我哋就行入去问个阿姐:「唔该，有无两位?」点知个阿姐一听到就面有不悦，一手推咗我哋两个出去，用无礼同唔耐烦嘅语气，话:「要入嚟就出番去攞飞先啦! 好唔好───?!!!」哗，我心谂:「呢间嘢乜做到咁高档，连客都一手推出去，仲要咁有气焰...」唔理点都好，无理由因为依D唔高兴嘅事影响自己心情架，于是等咗无耐就入咗去。入到去，叫咗两个set，都系石锅嚟嘅。点知个锅黎到，里面D饭虽然闻到d韩国味，但系食落呢，就大失所望。D饭一来食落又无闻到嘅咁好味，而且问侍应攞野又唔睬人，睬个阵又粗声粗气，好似鬼唔望个客食完唔好再番黎咁。于是都唔知食咗D乜，最饱系一肚气，埋单个阵真系唔想俾钱。其实，价钱又岂会系一个问题，食物质素仲系其次，最重要嘅都系服务。即使味道有错，或能改之; 服务差劣，而不求进步，有错不改而不能善莫大焉，实在是有违饮食界的生存之道。今时今日嘅服务态度，唉... 哀哉。