紅螞蟻 (已結業)

今日番完通宵，谂住一个人静静地叹个早餐，所以去咗红蚂蚁，贪佢冇茶餐厅咁噪！点知超不愉快！入到去已经冇人招呼，都算喇！自行揾个位坐底，想叫嘢食，啲侍应全情投入倾计！叫佢哋都听唔到！良久先有人应（女性，身型略胖，戴白色胶架眼镜，长直发），佢重覆一次我个order, 系错嘅！明显发紧梦！落完order之后我同佢讲"张chair湿咗，可唔可以帮我抹一抹＂，呢位高贵的小姐应都冇应就行咗去！其后，黑口黑面攞咗"一"大张纸巾过嚟,轻轻扫咗＂一＂大吓咁大把就行咗去！相信我嘅要求都唔系好过份啫！食个早餐都要咁受气！原本谂住埋单时投诉佢，不过我都费事动气免得影响心情！请到呢啲不知所谓嘅侍应真系几生修到！祝呢间铺生意兴隆，自求多福！