玖五牛肉麵 (已結業)

完全系明星效应。Mr. C 话要去何家小姐间餐厅。我问，你知食乜吗？唔知啊，不过何家最索千金超莲BB开，一定要帮衬！上网想睇下点解呢度叫玖五，原来系何小姐将台湾好出名，已经有56年历史既「玖五牛肉面」引到香港！好啦，反正咁出名既台湾面我都想试下。星期五夜晚，竟然冇人排队？正。即刻入去！坐低咗谂食咩。其中一个女侍应好好，走过来介绍话呢度所有野食都冇味精。哦，好健康！麻辣牛肚面 $88唔知点解𠮶日MrC兴起食牛肚。佢个汤麻辣得黎又唔系好辣。我食都接受到。牛肚爽而有嚼头，而且好入味。MrC 拣咗硬面。面质厚实，好有嚼感。牛肉伴面 $78我呢日想食比较干身既拌面，而我都点咗硬面。我觉得硬面有点似日本沾面𠮶只面。面身粗而扁身，柔韧有致。面底下有哋红烧牛骨汤，香浓而不溜，非常惹味。但系，唔知点解，好似争紧啲嘢。好似好单调。又或者，牛肉面俾得呢个价钱，我期望太高？我问MrC 有咩感觉，佢同我一样，有种讲唔出既感觉。只可以用，未满足到我哋。可能因为差只卤蛋？酸菜？我觉得下次可以俾多次机会，希望会satisfy啲啦！