影片
更多
2010-07-02
4 浏览
因为早已订了枱, 所以唔驶点等, 一行 4 人, 7:30 分行入小肥羊...同样, 任食火锅的质素大家都心照, 所以我亦唔会对食物的质素有咩奢想, 旺角地方, 138 一位, 算啦, 食得饱就算了坐落 waiter 游说我地加 30 蚊转豪华版任食, 有珊瑚蚌, 贵妃蚌, 原件焗羊架, 靓 d 既牛肉同羊肉, 算啦, 反正 30 蚊, 而且普通版全食真系冇咩好食... 加就加啦7:35 落单叫汤底, 足足等左 20 分钟先上第一碟生料, 就系粟米.. 汤底依然未见... 等了 30 分钟, 汤底依然未到... 火到黎埋... 任食 2 小时, 等左半个钟 ?? 即时投诉, 汤底一分钟后就到, 但时间又唔见改返...生料上枱真系慢到离谱, 不断听到有人投诉 "等左好耐", 成层楼 20 几张枱, 得 3 个 waiter 2 个部长, 你想点快 ??讲返食物先, 牛肉同羊肉分唔开, 都唔知边 d 羊边 d 牛, 好彩我两样都食, 咁就冇咩问题. 其实点解唔考虑一下用唔同碟呢 ? 肉类都算好味, 起码唔骚. 其他行货野一般般啦, d 虾就好似发育不良咁... 用黎包云吞
同样, 任食火锅的质素大家都心照, 所以我亦唔会对食物的质素有咩奢想, 旺角地方, 138 一位, 算啦, 食得饱就算了
坐落 waiter 游说我地加 30 蚊转豪华版任食, 有珊瑚蚌, 贵妃蚌, 原件焗羊架, 靓 d 既牛肉同羊肉, 算啦, 反正 30 蚊, 而且普通版全食真系冇咩好食... 加就加啦
7:35 落单叫汤底, 足足等左 20 分钟先上第一碟生料, 就系粟米.. 汤底依然未见... 等了 30 分钟, 汤底依然未到... 火到黎埋... 任食 2 小时, 等左半个钟 ?? 即时投诉, 汤底一分钟后就到, 但时间又唔见改返...
生料上枱真系慢到离谱, 不断听到有人投诉 "等左好耐", 成层楼 20 几张枱, 得 3 个 waiter 2 个部长, 你想点快 ??
讲返食物先, 牛肉同羊肉分唔开, 都唔知边 d 羊边 d 牛, 好彩我两样都食, 咁就冇咩问题. 其实点解唔考虑一下用唔同碟呢 ? 肉类都算好味, 起码唔骚. 其他行货野一般般啦, d 虾就好似发育不良咁... 用黎包云吞差唔多... 豪华版既牛同羊亦未见出色, d 咩蚌老实讲就唔系好新鲜架啦... 全晚最好味系焗羊架, 我一人食左 3 件, 但要等成半个钟... 麻辣汤底唔够麻, 亦唔够辣.. 皮蛋汤就冇味...
服务真系... 不吐不快... 基本上你叫任何野, 起码要叫 3 次. 班 waiter 系忙 ? 定系根本冇听 ? 叫豉油要 3 次, 叫可乐要 3 次, 而每次同一个人问你系咪任饮, 叫 garlic 要 3 次, 而每次同一个人问你 6 蚊碟要唔要. 真系火都黎埋...
最经典系揾人冲茶, 冇人理, 唯人死1死地气去水吧揾人冲. waiter 问边张枱, 帮你拎过去. 等左 2 分钟, 水壶返黎, 一冲... 哗... 普洱变左青绿色, 闻一闻... 正呀. 原来普洱用白汤黎冲 !! 你话咁样做野有冇 heart ??!!
唯一好处: 过左钟冇人催, 7 点半坐到 11 点半, 系 MK 真系难揾...
张贴