金丼鐵板和風放題 (已結業)

题外话/补充资料： 帮衬左金丼团购都好几次，6小时团购起码3次，150分钟团购计埋今次都两次！之前一直帮衬系觉得团购抵食，啲墅食都ok，同埋态度几好，仲记得第一次去，仲有人问我地啲野好唔好食，觉得点咁？但而家……唉！今次系非常失望！两个星期前我已经订左今晚8:30五位，我8:13左右去到，等左一阵先有人理我，算！之后佢话俾张枱我，入到去系张4人枱，仲要系劲迫，要隔离枱拉开少少我地先入到里面坐，咁我地5个人点坐呢？同职员讲唔要呢张枱，之后叫我地等，等到8:55俾左张4人卡位枱我，之后职员话等阵会换枱，叫我地坐住先，我真系火黎，无野呀？订左枱，搞左两次都系四人枱，仲要我等，而家咩事先？最后系加左张枱系隔离俾我地，虽然呢个安排我都唔算满意，但因为大家都饿唔想再等，只好接受，但真系好失望，我订位嘅意义系咩先？食到差唔多，虽然有职员黎问我地嬲完未，同计平左俾我地，话今日有人包左大半场无咁多位，但问题系，我已经两星期前订位，你一系打俾我问我可唔可以改期，一系你就唔好收walk in客，但我地等紧枱期间，啲walk in客系系咁入啰！订位嘅反而无枱要等，简直不知所谓，我仲听到个职员讲，系你地买团购之嘛，系咁架喇！so…?咁你地唔好出团购啰，好唔好？