緣聚 (已搬遷) 新店位置

我朋友话要食放题，而且要去元朗食，我心谂乜元朗有放题食咩？佢讲紧缘聚，之后我上openrice度睇下啦原来佢有个流动coupon，两人同行一人半价既优惠，你入坐之前出示返就会有呢个优惠，之后谂住试吓啦点知可以用超开心！我哋就即刻野食,有刺身寿司沙律等等，全部都好新鲜,之后你落单无耐啲嘢食就即刻上到，超级快手！最记得就系佢嘅火焰三文鱼一开始觉得好奇怪，唔确定系咪好好食但之后食咗之后仲追加左几次添！另外花之恋同啲刺身都唔错入口即溶啖啖肉。成餐食得好满足食日式放题食日本野，梗系饮番啲清酒同埋梅酒架啦，我个人就唔太钟意，不过都算叫有试过啊！其实仲有火锅架，但我哋今次只系专注食刺身寿司，有机会可以试吓嘅最后梗系要食番D甜品啦，都有几多选择架，蓝莓布甸啊，木糠布甸，芒果布甸，雪糕同泡芙等等最钟意就系木糠布甸同埋蓝莓芝士蛋糕，虽然个份量系几细但系只系满足返自己嘅心灵姐哈哈埋单𠮶阵时两个人加埋都系三百几蚊好抵，有机会下次会再试过！最后讲埋个环境，背景会有啲熟悉音乐播住，整体黎讲都几舒服嘅，加上其他人D朋友倾计聚会嘅声音，形造咗好温馨既气氛