壽司德 (已結業)

嚟到尖咀知道Li间食店系附近,就去试吓Lunch先,星期六比较静,一个人坐枱比较好,Li道有十几款Set Lunch唔知食咩嘢好,就叫部长介绍一下,佢话Li道系Sushi店当然食鱼生寿司,佢仲介绍一款新嘅吉列海鲜套餐俾我,但都系想食寿司,于是就向佢查问寿司餐嘅分别,佢非常详细讲我听,差不多扰攘咗十几分钟先落单。大约等咗十分钟左右午餐嚟到,寿司睇嚟好好食,一啖入口,醋不太酸好好味鱼生都很鲜甜,尤其海胆,本身已经好钟意食,向部长查询Li只系咩胆,佢话系九洲嘅;其他例如烧拖罗、海鳗、深海池鱼都very good。甜品可以拣咖啡或生菓,我拣咖啡,因为系UCC炭烧咖啡,而且唔系每个餐都有,要系Grand Menu入面嘅Lunch先有,点解咁清楚?咪就系个部长话过我知,佢仲话如果想食到D时令菜式,佢哋会尽量帮客人预订;迟D真系要试吓Dinner。最后真系要赞赏吓个位部长,对于我Li D问题食客不厌其烦咁回答咁多问题仲系笑容满脸,俾着系其他,晨早黑面鬼啋你。