海天花園酒家

营业中

休息中

如果唔介意等到2046嘅可以试下。1至2人飞嘅永远都劲耐先叫，反而3人或以上嘅迟过你黎就可以入去先。次次黎都会见到前台因为等飞攞位呢个问题俾客闹就知咩事。一时又话系睇时间入，一时又话系睇有咩枱先决定俾几多个人嘅飞入，但入到去见到有啲大枱可以坐5个嘅都系俾2人坐。一时一个讲法真系龙门任佢搬！唔好以为自己早过人地到就可以早过人地入，只要佢地钟意，迟过你到嘅入晒去先到你都仲得！虽然呢间嘅食物质素系同价位嘅酒楼黎讲算系几好，但服务真系极之差。未试过等位等到咁火滚，唔介意等半个钟以上、望住迟过你黎嘅人入晒去嘅可以试下。