影片
更多
2015-10-18
3457 浏览
唔觉唔觉，韩烧愈尼愈多，今次就试尼间分店愈开愈多既炑八，睇下佢到底有咩魅力吸引咁多人先。一坐低，几乎都满晒座，叫左两杯饮品，好快就送到尼，柚子味唔多讲啦，蓝天使望落好特别，饮落有啲似雪碧，唔系好饮得出确实既味道。 酱油蟹（$198）酱油蟹系韩国出名之余，韩风都吹到黎香港！炑八既酱油蟹连白饭、紫菜一齐上，蟹膏好多，蟹食落都好有鲜味，但又唔会腥。食酱油蟹首先将白饭放入蟹盖，加紫菜加酱油同大量蟹膏一齐捞捞捞，一啖食落去真系好鲜味😍 。司令本身唔系一个好钟意食蟹嘅人都爱上左呢道酱油蟹，咁出名真系唔系冇原因，难怪佢系韩国比人叫做白饭小偷，因为捞饭食真系一流！鳗鱼（$238）鳗鱼都系今次嘅新菜式，见著一整条鳗鱼慢慢烧到熟，再变金黄，劲吸引！烧好嘅鳗鱼好香，带少少脆口，大家可以包上芝麻叶、点少少蒲烧酱再加姜丝去左个鱼腥味。芝麻叶个味未必人人接受到，唔中意既可以包返生菜或直接食个鳗鱼，都好好味！薄切五花腩($98)虽然佢话薄切，但其实一啲都唔薄，块块都有一定厚度架，如果你觉得斋食五花肉好肥，司令推荐大家将泡菜都烧一烧，用肉卷住泡菜食，连酱都唔需要点就够味，加埋酸辣既泡菜解腻一流。牛胸肉($125)牛
唔觉唔觉，韩烧愈尼愈多，今次就试尼间分店愈开愈多既炑八，睇下佢到底有咩魅力吸引咁多人先。
一坐低，几乎都满晒座，叫左两杯饮品，好快就送到尼，柚子味唔多讲啦，蓝天使望落好特别，饮落有啲似雪碧，唔系好饮得出确实既味道。
酱油蟹（$198）酱油蟹系韩国出名之余，韩风都吹到黎香港！炑八既酱油蟹连白饭、紫菜一齐上，蟹膏好多，蟹食落都好有鲜味，但又唔会腥。食酱油蟹首先将白饭放入蟹盖，加紫菜加酱油同大量蟹膏一齐捞捞捞，一啖食落去真系好鲜味😍 。司令本身唔系一个好钟意食蟹嘅人都爱上左呢道酱油蟹，咁出名真系唔系冇原因，难怪佢系韩国比人叫做白饭小偷，因为捞饭食真系一流！
鳗鱼（$238）鳗鱼都系今次嘅新菜式，见著一整条鳗鱼慢慢烧到熟，再变金黄，劲吸引！烧好嘅鳗鱼好香，带少少脆口，大家可以包上芝麻叶、点少少蒲烧酱再加姜丝去左个鱼腥味。芝麻叶个味未必人人接受到，唔中意既可以包返生菜或直接食个鳗鱼，都好好味！
薄切五花腩($98)
虽然佢话薄切，但其实一啲都唔薄，块块都有一定厚度架，如果你觉得斋食五花肉好肥，司令推荐大家将泡菜都烧一烧，用肉卷住泡菜食，连酱都唔需要点就够味，加埋酸辣既泡菜解腻一流。
牛胸肉($125)
牛呢反而就好薄，放上盘五秒内就熟晒，唔好放太耐啊会好易干，肉本身冇调味，想咸啲点可以啲盐尼食，佢啲盐本身加埋黑椒，不过千其、千其唔好点太多，因为司令有几次都系唔小心点多左，咸到我呢......
芝士泡菜饼
尼个司令觉得好好食，因为佢唔似一般既泡菜饼，佢似pizza，食落好新奇，另外有一个秘制既酱汁去点，食落辣辣甜甜，成件事好crossover，有惊喜！
八爪鱼
话说唔知大家有冇系韩国食过生八爪鱼，司令就冇食过既，不过一直想试下，尼碟八爪鱼好早就上左枱，司令谂都冇谂就剪左尼食，嗯，都几烟um㖞，食食下呢就发现，顶！系要烧尼食😂😂😂。真系有惊有喜，希望唔好肚痛啦，不过司令就觉得生既好似好食啲，烧熟左有啲似烧鱿鱼。
Oreo朱古力棉花冰($48)
一上枱已经觉得好靓，食指大动！面头铺满左朱古力粉同埋brownie粒粒，入面就系炼奶冰，食到一半仲有麻糬粒粒比大家咬下。
起初惊会太甜，原来唔会，佢既冰同粉甜度都偏低既。惊唔够甜？唔洗怕佢仲另外有个朱古力酱，应该系细心地怕大家食到中间会冇晒味。司令觉得甜品甚至比出面嘅韩式甜品店整得仲有心思❤️ 。而且真系完全对得起呢个价钱，推介！
张贴
