延苑韓國料理 (已結業)

星期日，去联和墟揾食，去到都4-5PM，出名拉面冇开，群记猪手关门。下次要早上再来了。系联和墟行左阵，记起OPENRICE有间韩国料理，食评不错。不过，冇抄低地址，行来行去都揾唔到，最后问人，原来系帝庭轩对面。门面唔起眼，入对去，好多Hello Kitty装饰，但又唔系好靓，亦都唔搭配。坐底左，有位女服务员介绍餐牌食物，几好招呼㖞~~不过，我同屋企人冇叫2人餐，叫左:辛辣猪肉饭$52--几野味，可以选大中小辣，要左中辣，用来送饭几开胃架。浦项水晶粉$52--好食架，唔似一般food court炒埋一堆就上枱，本来唔想叫的，因为就系怕佢油腻，但呢碟入口唔油架㖞，几好食。再讲下D餐前小食十款(任添)，我地有再添，但其实唔同款架，即系唔止十款lo。十多款小食，都不过不失，系有一款银鱼仔唔好食，咬唔到架。另外，有三款饮品，菊花茶/豆浆/麦米茶，个阿姐不停咁帮你添，但佢又会差不多记得晒成间铺的客人饮边款㖞，阿姐D记忆力好抵赞。我饮左好多杯菊花茶，又够冻，正。最后，仲有凉粉送，几满足。主菜，其实是一般味道。最好是服务和任食前菜和任饮的菊花茶。