御犇麵館 (村南道)

营业中

休息中

本身系金禧花园有一间，最近居然系村南道又开，两间相隔非常近。装修新旧铺都好相近，光光猛猛环境配木家私为主，传统粉面店格局。坐落中规中距，未至于好似麦文记咁迫夹。主打清汤腩，仲有爽腩，坑腩，同佢推介架溏心腩，可惜黎两次都得坑腩，已经系lunch黎😑，咁好卖?定从来都无？已不可考究。 最后要牛丸牛腩河，系百物腾贵下，牛价奇高。呢个价钱食到清汤腩已经相当不错。牛丸有两大粒，非常弹牙，仲会有少少肉汁渗出，个肉应该不错。牛腩都有十旧左右，份量上都唔少，当然无法同以前大埔群记仲有油麻地新仙相比，但食到系松化不黏牙，连住小小肥膏都几正，肉味就未算浓。汤底同粉面普普通通，未能有好深印象。但服务就绝对系坏印象，先系有个待应落落下单中途行开左，等佢返黎等等下又自己走去Epos机大大声离远问人要乜。。。感觉劲差另一个较年轻待应做野时对答好似系念经咁，得佢自己一个听到。。。食完收野已经系枱上执好简单架啦，都弹到我成身汤，又连一句唔好意思都无，直至我出声至会讲，然后劲快闪走。大佬呀比张纸或布人抹都识挂，咁架服务真系几平几好食都无用，真系唔再黎。