琛夜食堂 (已結業)

由于一位识食朋友推介，所以今日庆祝生日就喇试下呢度。一入门待应就有礼地招乎我地。由于来嘅时候只有一枱客，待应主动让我地拣选用餐嘅位置。近日秋意正浓，所以决定坐在室外。餐桌够大，加餐桌间距离充足，所以坐得都好舒服。一坐底，待应就立即送上餐牌同介绍当日优惠及特色食品。叫咗几个招牌菜：胡麻牛油果沙律🥗、鳗鱼芝士玉子烧、烧茄子🍆、西班牙炒饭，全部冇让我地失望。鳗鱼、芝士同蛋嘅配撘，不论在味道还是口感上都一流。烧茄子大大份，蒜香味好浓，钟意食蒜头嘅人一定要试。另外，因为叫酒精饮品，贝壳类串烧有半价优惠嘅关系，仲叫咗蚝同贵妃蚌，两者调味都做得不错，但就唔抵食。整体食物质素唔错，待应快手又有礼，价格虽然略为贵，但都值得一试。