響 居酒屋 (已搬遷) 新店位置

星期五谂住食好啲，同事揾左呢间日本野试下。餐排都叫多选择，由拉面以至咖哩饭鱼生饭都有。仲有多个厨师推介餐牌，价钱大概$70至百零蚊不等，谂住食好啲，点个$128嘅银鳕鱼定食。定食包茶碗蒸、面鼓汤同饮品、雪米糍。一上菜就知衰，$128嘅定食，比两旧细到不行嘅鱼块仔，仲要一旧系斩左半嘅。食过咁多间西京银鳕鱼，真系冇见过咁嘅份量。味道偏甜，尚可。到个刺身，一只甜虾两件吞拿加两件唔知咩鱼，睇色都知唔新鲜，咬落硬到好似未溶晒雪。左下有墨鱼海蜇，呢个最正常。沙律加蟹籽芝麻酱，还可以。除左食物，呢间野嘅服务都好唔得，叫侍应，佢睇到都完全唔理你，上菜又等得耐。冇下次。