Briketenia

营业中

休息中

Item: Briketenia
Rating: 5
Author: glowsk

4.5

378 食记

味道

环境

服务

卫生

抵食

12950

北角

$201-400

法国菜西式西式糕点

345

glowsk

等级4

207

今日去接妈咪👩🏻‍🦱放工，再一齐去撑枱脚🍽。妈咪话想食西餐，于是预先book咗哩间餐厅，见网上评价唔错，西餐嚟讲价钱又好似好亲民咁。我哋六点🕕去到，地点方便就脚。餐厅环境开扬，落地玻璃可以见到海旁景色🌅。如果今日嘅天气唔系咁热嘅话，我哋都想坐室外，今日日落嘅天色好靓。我哋叫咗两个套餐，套餐有前菜、主菜同一杯餐饮，可另加$58配是日精选甜品。一开始，佢哋送上面包🥖配蛋黄酱同巴拿马火腿蜜瓜。蛋黄酱好香，同面包好夹。我好钟意巴拿马火腿嘅咸香味，配上超清甜蜜瓜，好食😋。1️⃣ 前菜—忌廉蘑菇浓汤伴松露酱我好钟意饮蘑菇汤，不过好饮嘅蘑菇汤唔系咁易整。哩度嘅蘑菇汤好细滑香浓，蘑菇味好重，加上松露酱味道更浓郁🤤。2️⃣ 前菜—白酒煮新鲜青口职员话今日青口啱啱送到，推荐我哋叫，我哋当然信佢。青口的确好新鲜，清甜鲜嫩，加入少少嘅柠檬汁🍋已经好好食。3️⃣ 主菜—法式小龙虾鸡肉批 $328一个好特别，平时比较少机会食到嘅菜式。厨师👨🏼‍🍳话个批都系佢哋自己搓粉自己整，唔怪得咁好食，牛油🧈味好香，酥脆可口。饀料有小龙虾🦞、鸡肉🐓、菠菜🥬、洋葱🧅等，用料新鲜，食落去甜甜地，香气扑鼻。4️⃣ 主菜—香烤肉眼扒配薯蓉及小甘笋🐂🥕

1️⃣ 前菜—忌廉蘑菇浓汤伴松露酱
我好钟意饮蘑菇汤，不过好饮嘅蘑菇汤唔系咁易整。哩度嘅蘑菇汤好细滑香浓，蘑菇味好重，加上松露酱味道更浓郁🤤。

2️⃣ 前菜—白酒煮新鲜青口
职员话今日青口啱啱送到，推荐我哋叫，我哋当然信佢。青口的确好新鲜，清甜鲜嫩，加入少少嘅柠檬汁🍋已经好好食。

3️⃣ 主菜—法式小龙虾鸡肉批 $328
一个好特别，平时比较少机会食到嘅菜式。厨师👨🏼‍🍳话个批都系佢哋自己搓粉自己整，唔怪得咁好食，牛油🧈味好香，酥脆可口。饀料有小龙虾🦞、鸡肉🐓、菠菜🥬、洋葱🧅等，用料新鲜，食落去甜甜地，香气扑鼻。

4️⃣ 主菜—香烤肉眼扒配薯蓉及小甘笋🐂🥕 $398
因为我妈咪唔敢食太生嘅肉，所以最后叫咗7-8成熟，原本佢仲想叫全熟，被我立刻阻住⛔️。我平时食开medium或者medium rare，真系好耐无食过咁熟嘅牛扒了。牛肉味系好香浓的，不过由于牛扒比较熟嘅关系，口感会比较嚡口，但肉汁仍好丰富，牛肉带点炭烧香味好正。