影片
更多
2022-05-01
1985 浏览
返到屋企越谂越激气，第一次写食评。朋友生日，朋友介绍去咗食omakase，仲指定左师傅，话佢做得好。个师傅连埋个学徒serve七个客一坐低，听到个师傅好大声咁问啲同事，有冇旧蟹肉，问咗几次，同事话唔好咁大声讲个旧字，啲客好敏感㗎。然后佢就懒幽默咁讲，今日冇海胆啊....我哋都唔知比咩反应，只可以扮听唔到食到中途，个师傅睇落搞唔掂七个客，佢话佢琴晚俾人包场饮咗好多酒好辛苦好攰，无啦啦叫咗隔离个师傅帮手serve我哋两个....可能因为我哋唔系熟客.....食过咁多次omakase,从来未试过食食下转师傅。𠮶个师傅帮手整咗一碟野比我哋，好明显同原本𠮶个师傅，即系隔离𠮶啲好唔同，碟又唔同，有冇花有冇啲假金箔跟住仲劲，个学徒会帮手搞plating，喺我哋面前整嘅，每次用完个筷子就要大力掉走，用完个海胆盒，又好大力咁掉低，好似所有嘢都欠咗佢咁，我哋倾紧计都会因为佢咁disturb而停咗.....好无奈好唔professional然后再劲啲，啲dish 整完会比个waitress递俾我哋，个waitress 好专业咁将只手指掂到啲食物.....茶餐厅咁。好唔卫生，佢有讲sorry嘅。然后我个朋友生
朋友生日，朋友介绍去咗食omakase，仲指定左师傅，话佢做得好。
个师傅连埋个学徒serve七个客
一坐低，听到个师傅好大声咁问啲同事，有冇旧蟹肉，问咗几次，同事话唔好咁大声讲个旧字，啲客好敏感㗎。然后佢就懒幽默咁讲，今日冇海胆啊....
我哋都唔知比咩反应，只可以扮听唔到
食到中途，个师傅睇落搞唔掂七个客，佢话佢琴晚俾人包场饮咗好多酒好辛苦好攰，无啦啦叫咗隔离个师傅帮手serve我哋两个....可能因为我哋唔系熟客.....食过咁多次omakase,从来未试过食食下转师傅。
𠮶个师傅帮手整咗一碟野比我哋，好明显同原本𠮶个师傅，即系隔离𠮶啲好唔同，碟又唔同，有冇花有冇啲假金箔
跟住仲劲，个学徒会帮手搞plating，喺我哋面前整嘅，每次用完个筷子就要大力掉走，用完个海胆盒，又好大力咁掉低，好似所有嘢都欠咗佢咁，我哋倾紧计都会因为佢咁disturb而停咗.....好无奈好唔professional
然后再劲啲，啲dish 整完会比个waitress递俾我哋，个waitress 好专业咁将只手指掂到啲食物.....茶餐厅咁。
好唔卫生，佢有讲sorry嘅。
然后我个朋友生日啦，事先同左餐厅讲希望准备甜品𠮶阵有Happy birthday，其实都冇expect好多，但系个师傅好好，事先懒神秘咁样问我嘅，系咪朋友生日，我谂住佢会保守秘密啦，点知系问要咩甜品𠮶阵，佢同我朋友讲，你唔使答㗎啦，你𠮶款系特别啲㗎......
成餐饭好多瑕疵，另外要有心理准备，佢个omakase只系得刺身，一件寿司都冇，得一条手卷，啲鱼系基本新鲜嘅，但系啲服务咁...太失望了，呢个experience好差。
安慰自己，可能我唔系熟客啦，又或者今日Unlucky 因为见到其他OpenRice comment都好好咁
写呢个食评系同大家分享一下，三思先book,唔好过分吹捧。
$880per person lunch omakase
我expect 有好少少嘅服务
张贴