金森林 X 外婆辣酒米線

营业中

休息中

早几日见到呢间米线，其实沿路都有唔少选择，不过见咁新，好想帮衬下，6点1入到间铺，入面只有一位客人，一坐低都有唔少选择，原来要自己扫QR code落单，叫左几声唔该，都系店员应，咁都应该醒水自己扫 code落单啦，当我地一行4人已埋尾想落单之际，突然有一位女店员出嚟，「无喇，无得食咖喇，收6点咖我地，无咖喇，野食都倒晒喇」跟住走左。我地呆晒之后，唯有起行走啦，个女店员突然又再出现「唔好意思呀，我地闩门收7点咖，下次先黎食啦」第一：我唔见有写收6点第二：我真心觉得我好阻住女职员收工，我好想同佢讲声唔好意思第三：一间已经响荃湾开左一排算热门的铺头，犯咁低级错误令我好惊讶第四：如果因为咁而得失想帮衬你的食客，系咪真系值得？希望贵铺有改善，我明白唔可以怪女店员，但基本培训系应该要有，唔执著于你间铺大定细。