Cafe Ceres (已結業)

帮衬完第一次，觉得店员服务态度好，老板有心机亦会出嚟向客人介绍菜式，野食亦有份量同水准，所以一直想嚟第二次。今日专登再嚟帮衬，店员服务唔得，同一个本应服务态度好嘅肥妹店员亦变得差好多。佢嘅态度好似一般果种无皇管餐厅，只有员工之间有交流，客人系透明嘅咁。事原系店员 A向肥妹店员表示某枱底有状况。肥妹一直望枱底动作甚大，亦向同事讲冇野呀。坐喺佢地果张枱隔离嘅我十分不安。我望住肥妹店员，唔多想理我嘅佢想真系当睇我唔到。我忍唔住问，"有啲乜野事呢？" 肥妹店员就完全冇望我地讲，"冇事". 最后肥妹店员终于发现系一只大曱甴喺枱底凳边。佢同店员讲，"哦，有只曱甴喺外面走咗入嚟啫，死咗㗎喇". 佢好似唔多想处理咁。我问，"你会处理系咪？" 佢话，"我会。"我表现得非常惊恐，但肥妹店员完全冇谂过要向我解释或讲声，"唔好意思呀，冇吓亲你嘛" . 曱甴就算真系有都唔系话最大问题。系员工点处理。好失望呀！