老馮茶居 (荃灣千色匯II)

拣好点心后，职员好快落单，20:02落完单叫我睇吓有冇错，我发现多咗个糯米鸡，叫职员帮我睇睇，原来自己take错咗，问佢可唔可以取消，佢话师傅已经蒸紧只糯米鸡，冇得取消，但由落单𠮶一刻到我们发现剔错咗全程唔够30秒，ok算数，我再点多个鸡扎（落单时间20:05），但前后大约5分钟（20:07）只糯米鸡就放咗喺枱面，我问职员点解可以咁快蒸完出嚟？ 我已经嬲到唔记得个职员答我乜嘢，anyway 你唔肯取消都唔紧要，唔好答我已经蒸紧只糯米鸡，但几分钟后只糯米鸡已经摆咗喺枱面，我觉得成件事好肉酸。大约两年前开始嚟老冯饮茶，佢哋有d点心系好食，但糯米鸡同芋角，我真心讲句……系唔掂。同埋经过今次嘅经验，应该以后唔再嚟