韓城 (已結業)

本人人生第二次写评论，唔使食已一肚气！今晚同友人经过此餐厅想一试，上到去只有门口一张二人枱，我要求坐里面，女侍应话入面枱有客人来时要搭枱，我接受并坐低了，连茶都倒埋准备去攞食物。突然又叫我哋坐返门口张枱，因一行十多人入咗嚟唔够位，我同佢争论，佢话忘了了有人订咗位; 我气到唔想食即刻走咗！有客订位唔系应该有mark簿或放个留位牌在枱面吗？咁都可以唔记得?! 真令人怀疑见人多就宁愿放弃我哋啲人少! 既然咁唔希罕我都无谓帮衬! 我唔知我未食有冇资格喺呢度写食评，不过一间服务咁差嘅餐厅，我觉得消费者有权利知道及考虑帮唔帮衬!