唐閣

2023年嘅8月尾，开始周围揾月饼送俾亲友。最后，经保险公司FWD嘅apps凭会员积分再额外加三百几蚊换咗朗廷嘅双黄白莲蓉月饼。点解拣朗廷，最大原因系佢嘅精致包装。木制嘅月饼盒可以留返做首饰盒，送俾女亲友一定会心心眼😍！打开木制月饼盒，入面有4个白莲蓉月饼，每一个再用靓靓纸盒独立包装，精美又豪华，送礼非常得体！至于月饼嘅味道，我觉得一般至几好，蛋黄油份充足，白莲蓉甜度适中，入口顺滑唔涸喉。用积分加钱或者经优惠订购平台买，大约三百几的话，我觉得系值得入手嘅～如果直接喺酒店买原价的话，就略微贵咗少少。