Texas Burger (已結業)

大家都知朗豪坊顶层好多餐厅架啦，所以今次我地就决定一战果度间Texas Burger😋只此一间，冇其他分店㗎！今次，我地叫左个蓝芝士牛肉汉堡🍔个包都几大个，而且好厚，无可能一啖咬到🤣个包烘到有啲脆，块肉好Juicy，咬落去唔韧，加埋啲Blue Cheese酱令成个汉堡包提升一个层次！但系可能佢啲油落得比较多，所以食完已经觉得腻🤯佢隔离都摆左个酸瓜同薯条。首先个酸瓜好大条，但系真系好酸😂而薯条就系普通粗薯条，无乜嘢特别我地另外都叫左个墨西哥芝士夹饼，佢有得比你拣脆皮或者软皮，我地拣左脆皮但系因为太脆食到周围都系😂如果佢有比个碗装住可能会比较好啲！个夹饼同个汉堡包都有芝士，食到好腻好玩命😂！反而果杯杂莓奶昔🍓有惊喜！莓味好够，唔会太腻，几好饮，推荐推荐🤤依度嘅座位唔算多，撞啱Lunch嘅时间黎，大家都要预啲啲时间排一排队呀！都想赞下嘅系每一张台佢都摆左洗手液同湿纸巾比大家，几贴心❤️