OH MY GOOSE! (已結業)

去开朗豪坊整电话，顺道去美食广场揾野食！去美食广场既原因系想悭时间，因为转头要赶返上去继续排队，所以就随便选择左速度为先既烧味店Oh my goose! 餐厅对正入口的位置，非常明显，选择贵精不贵多，除了各式传统烧味饭外，主打几样招牌食品！以烧味餐厅嚟讲，是非常干净！ 同一般烧味餐厅一样，效率都系十分之快！两个饭好快就整好出嚟，我同朋友一人一个！我就叫左呢个招牌菜，黯然销魂饭，即系叉烧煎蛋饭，卖相吸引，也传来阵阵鼓油香！真系OMG! 叉烧食落几有咬口，带点蜜汁既甜味，只鸡蛋再生少少就更理想！除左两个饭外，餐厅仲推介左我食佢哋新出既温泉蛋，我就用佢嚟代替左黯然销魂饭入面只蛋！ 因为蛋浆更丰富！连埋温泉蛋既鼓油汁捞入叉烧饭入面，叉烧加埋蛋香更见吸引！ 饭也变得更香甜！非常好味！朋友就选择左另一招牌菜，黑松露手撕鸡葱油饭，卖相同样吸引！手撕鸡嫩滑，带点麻油香，重点系个绿色既葱油饭，未食已经闻到扑鼻而来既葱油味！绿色既葱油饭入口更是醒神！比一般海南鸡既油饭更香！最后要推介下呢杯豆奶红豆冰！ 我起初以为系一般红豆冰，细饮之下原来系用豆奶冲调既红豆冰，相信成包维他奶咁倒落去，真系不惜工本！红豆粒